Պետբյուջեից մոտ կես մլրդ դրամի հափշտակության գործով ամբաստանյալ Սերժ Սարգսյանի և մյուսների գործով դատական նիստը հետաձգվեց․ գործով վկան Քովիդով հիվանդ է․ տեսանյութ
Իրավունք
Երևան քաղաքի ընդհանուր իրավասության դատարանի Ավան և Նոր Նորք նստավայրում՝ դատավոր Վահե Միսակյանի նախագահությամբ, այսօր նախատեսված պետբյուջեից մոտ կես մլրդ դրամի հափշտակության գործով ամբաստանյալ Սերժ Սարգսյանի և մյուսների գործով դատական նիստը չկայացավ։ Գործով առանցքային վկա Սեւան Քոչարյանը, ինչպես նախորդ նիստին, այսօր եւս չէր ներկայացել դատական նիստին:
Դատավորն ընթերցեց Կոտայքի մարզային ոստիկանության աշխատակիցների կազմած արձանագրությունն առ այն, որ նրան բերման ենթարկելու վերաբերյալ որոշումը կատարելու համար այցելել են Սևան Քոչարյանի բնակարան, ով ոստիկաններին տեղեկացրել է, որ հիվանդ է քովիդով, դատարանին էր ներկայացրել քովիդ դրական թեստի արդյունքը:
Դատավորը հայտարարեց, որ կրկին կդիմեն ոստիկանություն՝ վկա Սևան Քոչարյանին հաջորդ նիստին բերման ենթարկելու համար: Մյուս վկան դատարանին տեղեկացրել էր, որ անձնական պատճառներով բացակայում է երկրից և չի կարող ներկա գտնվել նիստին:
Հիշեցնենք միայն, որ Սևան Քոչարյանը ևս ցուցմունք է տվել Սերժ Սարգսյանի դեմ:
Այսօրվա դատական նիստին իր պաշտպանական թիմի հետ միասին ներկա էր ՀՀ Երրորդ նախագահ Սերժ Սարգսյանը:
Դատավոր Վահե Միսակյանն ասաց, որ վկաների բացակայությամբ դատական նիստը շարունակվել չի կարող, հարգելի համարեց նրանց բացակայությունն այսօր և հետաձգեց նիստը:
Դատավորը հայտարարեց, որ հաջորդ դատական նիստը կկայա հոկտեմբերի 6-ին, ժամը 14-ին:
Հիշեցնենք, որ ըստ մեղադրական եզրակացության՝ Սերժ Սարգսյանի կազմակերպմամբ եւ Բարսեղ Բեգլարյանի դրդմամբ, Սամվել Գալստյանի ու Գեւորգ Հարությունյանի օժանդակությամբ, Սերգո Կարապետյանի կողմից 2013 թվականի հունվարի 25-ից փետրվարի 7-ն ընկած ժամանակահատվածում ՀՀ կառավարության պահուստային ֆոնդից վատնվել է պետական աջակցության ծրագրերի իրականացման ընթացքում իրացված 15.391.765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489.160.310 ՀՀ դրամ:
Սերժ Սարգսյանին մեղադրանք է առաջադրվել ՀՀ ՔՕ 38-179-րդ հոդվածի 3-րդ մասի 1-ին կետով՝ առանձնապես խոշոր չափերով յուրացնելը կամ վատնելը։
Դատավորն ընթերցեց Կոտայքի մարզային ոստիկանության աշխատակիցների կազմած արձանագրությունն առ այն, որ նրան բերման ենթարկելու վերաբերյալ որոշումը կատարելու համար այցելել են Սևան Քոչարյանի բնակարան, ով ոստիկաններին տեղեկացրել է, որ հիվանդ է քովիդով, դատարանին էր ներկայացրել քովիդ դրական թեստի արդյունքը:
Դատավորը հայտարարեց, որ կրկին կդիմեն ոստիկանություն՝ վկա Սևան Քոչարյանին հաջորդ նիստին բերման ենթարկելու համար: Մյուս վկան դատարանին տեղեկացրել էր, որ անձնական պատճառներով բացակայում է երկրից և չի կարող ներկա գտնվել նիստին:
Հիշեցնենք միայն, որ Սևան Քոչարյանը ևս ցուցմունք է տվել Սերժ Սարգսյանի դեմ:
Այսօրվա դատական նիստին իր պաշտպանական թիմի հետ միասին ներկա էր ՀՀ Երրորդ նախագահ Սերժ Սարգսյանը:
Դատավոր Վահե Միսակյանն ասաց, որ վկաների բացակայությամբ դատական նիստը շարունակվել չի կարող, հարգելի համարեց նրանց բացակայությունն այսօր և հետաձգեց նիստը:
Դատավորը հայտարարեց, որ հաջորդ դատական նիստը կկայա հոկտեմբերի 6-ին, ժամը 14-ին:
Հիշեցնենք, որ ըստ մեղադրական եզրակացության՝ Սերժ Սարգսյանի կազմակերպմամբ եւ Բարսեղ Բեգլարյանի դրդմամբ, Սամվել Գալստյանի ու Գեւորգ Հարությունյանի օժանդակությամբ, Սերգո Կարապետյանի կողմից 2013 թվականի հունվարի 25-ից փետրվարի 7-ն ընկած ժամանակահատվածում ՀՀ կառավարության պահուստային ֆոնդից վատնվել է պետական աջակցության ծրագրերի իրականացման ընթացքում իրացված 15.391.765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489.160.310 ՀՀ դրամ:
Սերժ Սարգսյանին մեղադրանք է առաջադրվել ՀՀ ՔՕ 38-179-րդ հոդվածի 3-րդ մասի 1-ին կետով՝ առանձնապես խոշոր չափերով յուրացնելը կամ վատնելը։