ԱՄՆ նախագահ Դոնալդ Թրամփը հայտարարել է, որ պատրաստ է Ուկրաինա
ուղարկել Tomahawk հրթիռներ, եթե Ռուսաստանի հետ պատերազմը չկարգավորվի։
«Ես կարող եմ խոսել նրա (Պուտինի) հետ։ Ես կարող եմ ասել՝ տեսեք,
եթե այս պատերազմը չկարգավորվի, ես նրանց (Ուկրաինային) կուղարկեմ «Տոմահավկ»-եր։ Ես
կարող եմ դա ասել»,- ասել է Թրամփը՝ պատասխանելով Պուտինի հետ բանակցությունների հնարավորության
մասին հարցին։
Նա Tomahawk-ը
անվանել է «շատ հարձակողական զենք» և «ագրեսիայի նոր քայլ»։ «Եվ անկեղծ ասած,
Ռուսաստանին դա պետք չէ։ Բայց եթե հակամարտությունը չկարգավորվի, մենք լիովին կարող
ենք դա անել»,- հավելել է ԱՄՆ նախագահը։
Թրամփը
նաև նշել է, որ «նախագահ Պուտինը հիանալի լույսի ներքո կերևար, եթե լուծեր այս
հակամարտությունը», և հույս հայտնեց, որ դա տեղի կունենա։ «Իսկ եթե ոչ, ապա դա վատ
կլինի նրա համար»,- նախազգուշացրել է նա։
Խոսելով Պակիստանի
և Աֆղանստանի միջև բախումների մասին՝ Թրամփն ասել է, որ լսել է այդ մասին, բայց հավելել
է, որ «ստիպված կլինեն սպասել», քանի որ ներկայումս նա կենտրոնացած է այլ
հակամարտությունների լուծման վրա: «Ես լավ եմ կարողանում խաղաղություն հաստատել»,-
ընդգծել է ԱՄՆ նախագահը:
