ԱՄՆ նախագահ Դոնալդ Թրամփը հայտարարել է, որ Հնդկաստանի վարչապետ Նարենդրա Մոդին իրեն խոստացել է նավթ չգնել Ռուսաստանից։ Այս մասին Թրամփն ասել է Սպիտակ տանը լրագրողների հետ զրույցում, նրա խոսքերը մեջբերում է Reuters-ը:

«Ես դժգոհ էի, որ Հնդկաստանը գնում է (ռուսական) նավթ։ Այսօր նա (Հնդկաստանի վարչապետ Նարենդրա Մոդին) վստահեցրեց ինձ, որ նրանք նավթ չեն գնի Ռուսաստանից։ Դա մեծ քայլ է։ Հիմա մենք պատրաստվում ենք Չինաստանին ևս ստիպել անել նույնը»,- ասել է ամերիկացի նախագահը։