ԱՄՆ-ի միջուկային զենքի անվտանգության գործակալությունը (National Nuclear Security Administration, NNSA) մոտ 1400 աշխատակցի ուղարկել է չվճարվող արձակուրդ։ Այս մասին հաղորդում է CNN-ը։

Հաղորդագրության մեջ նշվում է, որ գերատեսչության աշխատատեղերում կմնա միայն մոտ 400 մարդ։

Հիշեցնենք, որ հոկտեմբերի 1-ից ԱՄՆ-ում ուժի մեջ է մտել այսպես կոչված շատդաունը (կառավարության աշխատանքի մասնակի դադարեցումը՝ բյուջեի չհաստատվելու պատճառով)։

Երկրի ֆինանսների նախարար Սքոթ Բեսսենը հայտարարել էր, որ շատդաունի պատճառով երկիրը օրական կորցնում է մինչև 15 մլրդ դոլար։

Ավելի վաղ հաղորդվել էր, որ շատդաունի պատճառով նոյեմբերին ԱՄՆ-ի մոտ 42 մլն բնակիչ կարող է դադարել ստանալ սննդի կտրոններ։