2018 թվականին կուրսանտների կրթաթոշակը կազմել է 5300-13000 դրամ, գերազանցությամբ ուսանելու պարագայում՝ ևս 10 հազար դրամ հավելյալ կրթաթոշակ: Այս մասին Հանրային ՀԸ եթերում ասել է Պաշտպանության նախարար Սուրեն Պապիկյանը՝ ներկայացնելով այսօր առկա իրավիճակը:

«2025 թվականին ռազմական ակադեմիայի կուրսանտը, ըստ առաջադիմության,

• 1-ին կուրսում կարող է ստանալ մինչև 75 000 դրամ կրթաթոշակ,

• 2-րդ կուրսում՝ մինչև 100 000 դրամ,

• 3-րդ կուրսում՝ մինչև 125 000 դրամ,

• 4-րդ կուրսում՝ մինչև 150 000 դրամ,

• 5-րդ կուրսում՝ մինչև 175 000 դրամ կրթաթոշակ։

Ակադեմիայի կուրսանտների թիվը, 2018 թվականի համեմատ, աճել է 26 %-ով։

Սա շատ կարևոր ու էական ուղղություն է բանակի կերպափոխման և պրոֆեսիոնալ դառնալու համար»,- ասել է նախարարը։