ԱՄՆ նախագահ Դոնալդ
Թրամփը ստորագրել է նախագահական հուշագիր, որով կտրուկ կրճատվում է Միացյալ Նահանգներում
փախստականների ընդունելության տարեկան առավելագույն քվոտան։
2026 ֆինանսական տարվա
համար քվոտան սահմանվել է 7,500 մարդ, այն դեպքում, երբ 2025 թվականի համար
նախատեսված էր 125,000 մարդ (սահմանված Բայդենի վարչակազմի կողմից)։
Ըստ Սպիտակ տան կողմից
հրապարակված փաստաթղթի, 7,500 փախստականի ընդունելությունը «արդարացված է մարդասիրական
նկատառումներով կամ այլ կերպ համապատասխանում է ազգային շահերին»։
Քվոտայի հիմնական մասը կհատկացվի Հարավային Աֆրիկայից սպիտակամորթ
բնակիչներին, ինչպես նաև այլ անձանց, որոնք ճանաչվել են իրենց երկրներում «ապօրինի
կամ անարդար խտրականության» զոհեր։
Սա նշանակում է ավելի քան 16 անգամ կրճատում նախորդ վարչակազմի
քաղաքականության համեմատ և զգալիորեն սահմանափակում է ապաստան փնտրող անձանց մուտքը
ԱՄՆ։
