ԱՄՆ նախագահ Դոնալդ Թրամփը հայտարարել է, որ ԱՄՆ նախկին նախագահ Ջո Բայդենը նպաստել է նրան, որպեսզի սկսվի ռուս-ուկրաինական կոնֆլիկտը։
«Բայդենը փաստացի հրահրեց, որպեսզի այս պատերազմը սկսվի»,- նշել է Թրամփը լրագրողների հետ զրույցում՝ Սպիտակ տանը Հունգարիայի վարչապետ Վիկտոր Օրբանի հետ բանակցություններից առաջ։
Թրամփն ընդգծել է, որ հույս ունի ճգնաժամն ավարտել «մոտ ապագայում»։ Նա հերթական անգամ հիշեցրել է, որ ինքը «ժառանգել է» այս կոնֆլիկտը։
Սպիտակ տան ղեկավարը նաև նշել է, որ ՌԴ նախագահ Վլադիմիր Պուտինի հետ իր բանակցությունները Բուդապեշտում դեռևս հնարավոր են, չնայած նրան, որ նա նախկինում չեղարկել էր առաջնորդների պայմանավորված հանդիպումը։
Օրբանը, իր հերթին, նշել է, որ բանակցությունների ընթացքում կներկայացնի «մի քանի գաղափար», որոնք ուղղված են Ռուսաստանի և Ուկրաինայի կոնֆլիկտի ավարտին։
