ԱՄՆ նախագահ Դոնալդ Թրամփը հայտարարել է, որ Միացյալ Նահանգներն այլևս «միջոցներ չի ծախսում» Ուկրաինայի ֆինանսավորման վրա, այլ ընդհակառակը, սկսել է գումար ստանալ ՆԱՏՕ-ին զենք վաճառելու հաշվին։ Այս մասին նա հայտարարել է Սպիտակ տանը լրագրողների հետ հանդիպման ժամանակ։
«Նայեք այն վնասին, որը Ռուսաստանը և Ուկրաինան պատճառել են մեզ։ Մենք ծախսել ենք $350 միլիարդ։ Մենք այլևս գումար չենք ծախսում։ Այժմ նրանք մեզ վճարում են ՆԱՏՕ-ի միջոցով»,- ասել է Թրամփը։
Մեկնաբանելով Ուկրաինայի պատերազմը՝ ամերիկյան առաջնորդը հերթական անգամ վստահություն է հայտնել, որ կկարողանա «լուծել» այս կոնֆլիկտը։ Նա հիշեցրել է, որ արդեն ավարտել է «ութ պատերազմ»։
