ԱՄՆ նախագահ Դոնալդ Թրամփի վարչակազմը Ռուսաստանի
հետ գաղտնի համագործակցում է Ուկրաինայում պատերազմը դադարեցնելու նոր ծրագրի ուղղությամբ,
Axios-ին հայտնել են ամերիկացի և ռուս պաշտոնյաները։
Նրանց խոսքով՝ ծրագիրը բաղկացած է 28 կետից, որոնք
բաժանվում են չորս հիմնական կատեգորիաների՝ խաղաղություն Ուկրաինայում, անվտանգության
երաշխիքներ, անվտանգություն Եվրոպայում և ԱՄՆ-ի ապագա հարաբերություններ Ռուսաստանի
և Ուկրաինայի հետ։
Թրամփի վարչակազմում Axios-ի աղբյուրը հաստատել է,
որ ԱՄՆ-ն տեղեկացնում է ուկրաինացի և եվրոպացի պաշտոնյաներին ծրագրի մասին: Այնուամենայնիվ,
պարզ չէ, թե ինչպես է փաստաթուղթը առաջարկում լուծել օկուպացված ուկրաինական տարածքների
հետ կապված հարցերը, ինչպես նաև, թե ինչպես է այն պատասխանում Կրեմլի պահանջներին Կիևից՝
զիջելու ավելի շատ տարածքներ ռազմական գործողությունները դադարեցնելու համար:
Axios-ի տեղեկություններով՝ Ուիթքոֆը նոր ծրագիրը
քննարկել է Ուկրաինայի ազգային անվտանգության և պաշտպանության խորհրդի քարտուղար Ռուստեմ
Ումերովի հետ այս շաբաթվա սկզբին։ Այսօր՝ նոյեմբերի 19-ին, Թուրքիայում սպասվում էր
նաև Ուիթքոֆի հանդիպումը Ուկրաինայի նախագահ Վլադիմիր Զելենսկու հետ՝ փաստաթուղթը քննարկելու
համար, սակայն Թրամփի հատուկ բանագնացը վերջին պահին չեղարկել է այցը։
