Հրապարակվել է ԱՄՆ-Ուկրաինա հանդիպման արդյունքներով
համատեղ հայտարարությունը: Ինչպես տեղեկացնում է
Սպիտակ տան մամուլի ծառայությունը, 2025 թվականի նոյեմբերի 23-ին ԱՄՆ-ի և Ուկրաինայի
ներկայացուցիչները հանդիպեցին Ժնևում՝ քննարկելու ԱՄՆ-ի խաղաղության առաջարկը։
«Բանակցությունները կրել են կառուցողական, նպատակաուղղված
և հարգալից բնույթ, որն ընդգծել է երկու երկրների ընդհանուր հակվածությունը՝ հասնելու
արդարացի և ամուր խաղաղության։
Երկու կողմերն էլ համաձայնել են, որ խորհրդակցությունները
խիստ արդյունավետ էին։ Քննարկումները ցուցադրեցին զգալի առաջընթաց դիրքորոշումների
համաձայնեցման և հետագա քայլերի հստակ որոշման գործում։ Կողմերը կրկին հաստատեցին,
որ ցանկացած ապագա համաձայնագիր պետք է լիովին աջակցի Ուկրաինայի ինքնիշխանությանը
և ապահովի կայուն ու արդարացի խաղաղություն։
Քննարկումների արդյունքում կողմերը մշակեցին խաղաղ
կարգավորման նորացված և կատարելագործված շրջանակ։
Ուկրաինական պատվիրակությունը կրկին երախտագիտություն
է հայտնել Միացյալ Նահանգներին և անձամբ նախագահ Դոնալդ Թրամփին՝ խաղաղության գործընթացին
իրենց անդավաճան հանձնառության և անխոնջ ջանքերի համար՝ ուղղված պատերազմի ու մարդկային
կորուստների դադարեցմանը։
Ուկրաինան և Միացյալ Նահանգները պայմանավորվել են
առաջիկա օրերին շարունակել ինտենսիվ աշխատանքը համատեղ առաջարկությունների ուղղությամբ։
Նրանք նաև սերտ կապ կպահպանեն իրենց եվրոպացի գործընկերների հետ՝ գործընթացի առաջընթացի
չափով։
Այս ձևաչափով վերջնական որոշումները կկայացնեն Ուկրաինայի
և Միացյալ Նահանգների նախագահները։
Երկու կողմերն էլ հաստատեցին իրենց պատրաստակամությունը
շարունակելու համատեղ աշխատանքը խաղաղություն հաստատելու շուրջ, ինչը կապահովի Ուկրաինայի
անվտանգությունը, կայունությունը և վերականգնումը»,- ասվում է հաղորդագրության մեջ։
