Երևանի ավագանու «Հանրապետություն» խմբակցության անդամ Հայկ Սահակյանը «Ֆեյսբուք»-ի իր էջում հրապարակել է Ղարաբաղի վերջին նախագահ Սամվել Շահրամանյանի և «Ուժեղ Հայաստան»-ի վարչապետի թեկնածու, տնային կալանքում գտնվող միլիարդատեր Սամվել Կարապետյանի լուսանկարները՝ ներկայացնելով «2 Սամվելների անալոգիան»:
«Լեռնային Ղարաբաղում իշխանության եկավ Սամվելը ոչ ժողովրդի ընտրությամբ։
Հետո նույն Սամվելը լուծարեց ԼՂՀ-ն։
Հիմա Հայաստանի վրա նույն սցենարն են փորձում կիրառել․
Սամվել Կարապետյանը առանց ժողովրդի քվեի, առանց քաղաքական լեգիտիմության փորձում է դառնալ իշխանություն։
Թե ինչ կլինի նաև այս դեպքում, եթե այն իրականություն դառնա, դժվար չէ կռահել…։
Նամանավանդ որ երկրորդ Սամվելը չի կարող չծառայել Ռուսաստանի շահերին, քանի որ նրան այդ համակարգն է դարձրել «կուշտ ու ուժեղ»»,- գրել է նա:
