Հավաքական անվտանգության պայմանագրի կազմակերպությունում (ՀԱՊԿ) Հայաստանի քվեարկության իրավունքը կարող է վերականգնվել, եթե Երևանը վերադառնա կազմակերպության աշխատանքներին։
Այս մասին «ՌԻԱ Նովոստի»-ի հետ զրույցում հայտարարել է ՌԴ Դաշնության խորհրդի միջազգային հարցերով հանձնաժողովի նախագահի առաջին տեղակալ Վլադիմիր Ջաբարովը։
Նրա խոսքով՝ Հայաստանը պետք է մասնակցի կազմակերպության հանդիպումներին, համաժողովներին և խորհրդարանական ֆորումներին, ինչպես նաև ՀԱՊԿ անդամ երկրների հետ համատեղ զորավարժություններին։
