Իրանում 30 մարդ է ձերբակալվել՝ Իսրայել-ին և ԱՄՆ-ին գաղտնի տվյալներ փոխանցելու կասկածանքով։

Ձերբակալությունների մասին հայտնել է երկրի հետախուզության նախարարությունը՝ նշելով, որ գործողությունն իրականացվել է մի շարք շրջաններում անցկացված օպերատիվ միջոցառումների արդյունքում։

Իրավապահների փոխանցմամբ՝ խուզարկությունների ընթացքում առգրավվել են Starlink արբանյակային կապի սարքեր, ինչպես նաև հրազեն և սառը զենք։

Պաշտոնական հաղորդագրության համաձայն՝ կասկածյալները ենթադրաբար համագործակցել են օտարերկրյա հատուկ ծառայությունների հետ և ներգրավված են եղել տեղեկատվության փոխանցման մեջ։

Ավելի վաղ Իրանի Իսլամական հեղափոխության պահապանների կորպուս-ը հայտնել էր ևս 178 մարդու ձերբակալության մասին՝ իսրայելական հատուկ ծառայությունների հետ կապ ունենալու կասկածանքով։