ՌԴ նախագահի մամուլի քարտուղար Դմիտրի Պեսկովը հայտարարել է, թե
ՌԴ-ն իրեն իրավունք է վերապահում ընտրությունների համատեքստում հստակեցնելու Հայաստանի ծրագրերը։
Թեմայի վերաբերյալ զրուցել ենք Չեխիայում բնակվող տնտեսագետ և քաղաքական վերլուծաբան Բագրատ Առաքելյանի
հետ։
Մեր զրուցակցի կարծիքով՝ Ռուսաստանում մի փոթորկային ալիք է բարձրացել, ինչը տեղի ունեցավ
Մոսկվայում Փաշինյանի և Պուտինի խոսակցությունից հետո։
«Երբ թվում էր, որ այդ խոսակցությունը
պետք է ինչ-որ պրոտոկոլային բնույթ կրեր, բայց Պուտինը փորձեց այս խոսակցության մեջ
թեմաներ բարձրացնել և կարծում էր, որ նման խոսույթով ինքը որոշակի դիվիդենդներ կհավաքի
իր աուդիտորիայի առջև և կկարողանա որոշակի ճնշում գործադրել ՀՀ-ի վրա, ինչը որ տեղի
չունեցավ։ Քանի որ ՀՀ վարչապետը շատ հստակ և կոնկրետ պատասխաններ տվեց Ռուսաստանի նախագահին՝
կապված Հայաստանում խոսքի ազատության, օրենսդրության, Սահմանադրության հետ։ Մենք բոլորս
գիտենք դրա մասին, և այդ պատասխաններն ու այդ խոսակցությունը մեկ այլ փոթորիկ էլ բարձրացրին
աշխարհում, ԶԼՄ-ներում, որոնք լուսաբանում են մեր ռեգիոնի հետ կապված իրադարձությունները»,-
ասաց Բագրատ Առաքելյանը։
Նա նշեց, որ Ռուսաստանն այդ քաղաքական,
ինֆորմացիոն հարվածը պետք է ինչ-որ առումով պարզեցներ իր լսարանի համար, և նույն Պեսկովը
պետք է ինչ-որ ձևով բացատրի, որ իրենք ինչ-ինչ նկատառումներ ունեն Հայաստանի հանդեպ,
և Հայաստանն ինչ պարտավորություններ ունի, և դրանից հետո իրենք փորձեցին այդ ռեակցիայի
աստիճանը բարձրացնել և ամեն ձևով քաղաքական վրեժ լուծել։
Մանրամասն՝ տեսանյութում
Լիլիթ Թադևոսյան
