Հայաստանում ոռոգման նպատակով խմելու ջրի օգտագործումը կսահմանափակվի։ Համապատասխան որոշումն այսօր ընդունվել է ՀՀ հանրային ծառայությունները կարգավորող հանձնաժողովի նիստի ժամանակ:
ՀԾԿՀ որոշումներից մեկը, մասնավորապես, վերաբերում է այն դեպքերին, երբ հողամասերի սեփականատերերն իրենց չբնակեցված շինությունները (օրինակ՝ վագոնները) ձևակերպում են որպես բնակելի։ Գործող օրենսդրության համաձայն` ջրամատակարարման օպերատորը պարտավոր է ջուր մատակարարել նրանց, բայց գործնականում այն օգտագործվում է որպես ոռոգման լրացուցիչ աղբյուր:
Հանձնաժողովը որոշում է կայացրել գյուղատնտեսական հողամասեր ջրամատակարարում իրականացնել միայն այն դեպքում, եթե առկա է փաստացի ապրող մարդկանցով բնակելի շենք:
ՀԾԿՀ մյուս որոշումը վերաբերում էր բնակելի շենքերի կառուցապատողներին։ Սկզբում նրանք ջրամատակարարման հայտեր էին ներկայացրել՝ ելնելով ապագա բնակարանների քանակից` չնայած այն հանգամանքին, որ շինարարությունը սովորաբար տևում է 2–3 տարի։
Այժմ շինարարության փուլում մատակարարվող ջրի ծավալը կսահմանափակվի շինհրապարակում եղած իրական կարիքներից ելնելով։ Շենքը շահագործման հանձնելուց հետո ջրամատակարարումը կավելացվի ըստ բնակարանների քանակի։
