«Հարավային Կովկասի տարածաշրջանն այժմ մտել է ավելի կայուն և խաղաղ
փուլ։ Ադրբեջանը քայլեր է ձեռնարկում Հայաստանի հետ հարաբերությունների կարգավորման
ուղղությամբ»։
Այս մասին հայտարարել է Ադրբեջանի նախագահի օգնական Հիքմեթ Հաջիևը։
Նա նշել է, որ նախորդ տարվա օգոստոսին ԱՄՆ միջնորդությամբ Երևանն
և Բաքուն նախաստորագրել են խաղաղության համաձայնագիրը՝ ընդգծելով, որ Հարավային Կովկասը
արդեն մտել է խաղաղության փուլ։
Հաջիևի խոսքով՝ հայ-ադրբեջանական հակամարտության կարգավորումը հատուկ
նշանակություն ունի տարածաշրջանային կայունության տեսանկյունից, և հակամարտությունը
կարելի է դիտարկել որպես անցյալում մնացած փուլ։
