Հյուսիսատլանտյան դաշինքի (ՆԱՏՕ) գլխավոր քարտուղար Մարկ Ռյուտեն 2026 թվականի ապրիլի 21–22-ը պաշտոնական այցով կմեկնի Թուրքիա։ Այս մասին հայտնում է ՆԱՏՕ-ի մամուլի ծառայությունը։
Ուղևորության ընթացքում նա հանդիպումներ կունենա Թուրքիայի նախագահ Ռեջեփ Թայիփ Էրդողանի, արտաքին գործերի նախարար Հաքան Ֆիդանի և ազգային պաշտպանության նախարար, գեներալ Յաշար Գյուլերի հետ։
Բացի այդ, դաշինքի գլխավոր քարտուղարը կայցելի պաշտպանական արդյունաբերության օբյեկտ։
«Այցը նվիրված կլինի անվտանգության և պաշտպանության ոլորտում համագործակցության հարցերին, ինչպես նաև Թուրքիա-ՆԱՏՕ փոխգործակցությանը», — նշվում է հաղորդագրության մեջ։
