Ապրիլի 27-ին ավտովթար է տեղի ունեցել Տավուշի մարզում։ Ժամը 16:10-ի սահմաններում Երևանի բնակիչ 34-ամյա Լ. Ս.-ն իր վարած «Տեսլա» մակնիշի ավտոմեքենայով Երևան-Սևան-Իջևան ավտոճանապարհին՝ Դիլիջանի 4-րդ ոլորանում, կիսակողաշրջված հայտնվել է ձորում՝ բախվելով ծառին։
Shamshyan.com-ի հաղորդմամբ՝ ըստ նախնական տեղեկությունների՝ տուժածներ չկան։ Փրկարարները ձեռնարկում են անհրաժեշտ գործողություններ՝ ավտոմեքենան դուրս բերելու անվտանգ վայր։ Վարորդը ենթարկվել է սթափության փորձաքննության․ եղել է սթափ։
