Հունիսի 19-ին ավտովթար է տեղի ունեցել Լոռու մարզում։
Ժամը 11:50-ի սահմաններում քարով բարձված «Կամազ» մակնիշի բեռնատարը Վանաձոր-Սպիտակ ավտոճանապարհին՝ Սպիտակի վարչական տարածքում, կողաշրջվել է։
Shamshyan.com-ի տեղեկություններով՝ ըստ նախնական տեղեկությունների՝ վթարի հետևանքով տուժածներ չկան։
Վթարի փաստով ՊԾ Լոռու մարզի գումարտակում փաստաթղթեր են կազմվում, որտեղ էլ պարզում են ավտոմեքենայի սեփականատիրոջ և վարորդի ինքնությունը։
