Օգոստոսի 13-ին Ռուսաստանն Ուկրաինային է հանձնել 261 զոհված զինծառայողի մարմին։ Այս մասին տեղեկացնում է Ուկրաինայի Ռազմագերիների հարցերով համակարգող շտաբը։
Ուկրաինական կողմի փոխանցմամբ՝ առաջիկայում փորձագետները կիրականացնեն դիակների նույնականացման աշխատանքներ։ Ռուսական լրատվամիջոցների փոխանցմամբ էլ՝ փոխանակման արդյունքում Կիևը Մոսկվային է փոխանցել 24 մարմին։
Զոհվածների մարմինների նախորդ փոխանակումը տեղի էր ունեցել հուլիսի 16-ին, երբ Ուկրաինային էր վերադարձվել 501, իսկ Ռուսաստանին՝ 31 մարմին։
