ՊԵԿ նախագահ Էդուարդ Հակոբյանը հայտնել է, որ հետաքրքիր և բովանդակալից քննարկում է անցկացրել Կոմիտեի այն աշխատակիցների հետ, ովքեր վերապատրաստում են անցել կրիպտոակտիվների և բլոկչեյն տեխնոլոգիաների ոլորտի հարկային ու իրավական կարգավորումների, ինչպես նաև ռիսկերի կառավարման վերաբերյալ։

«Կրիպտոաշխարհն արդեն դարձել է մեր իրականության մաս․ կարևորում եմ ՊԵԿ աշխատակիցների գիտելիքների շարունակաբար զարգացումը նաև այս ոլորտում՝ հնարավոր ռիսկերը կառավարելու և հետագա աշխատանքներում արդյունավետ քայլեր իրականացնելու համար»,- ընդգծել է ՊԵԿ նախագահը։

Հանդիպման ընթացքում քննարկվել են․

• Կրիպտոակտիվների ոլորտի ՀՀ օրենսդրական կարգավորումներն ու հարկման մեխանիզմները

  
  

  
  

• Ռիսկերի գնահատման և իրավախախտումների բացահայտման գործիքները

  
  

  
  

• Միջազգային փորձն ու ոլորտում առկա մարտահրավերները

  
  

  
  

Էդուարդ Հակոբյանը կարևորել է վերապատրաստումների արդյունքում ձեռք բերված գիտելիքները գործնականում կիրառելու, ռիսկերը ժամանակին գնահատելու և վերահսկողական մեխանիզմները կատարելագործելու հնարավորությունները։