Սպուտնիկ գործակալության վրացական ծառայության փոխանցմամբ՝ Թբիլիսիի Բարաթաշվիլի կամրջին հարող այգում հայտնաբերվել է մոտ 40 տարեկան տղամարդու դի։
Ըստ նախնական տվյալների՝ տղամարդու մարմնի վրա առկա են դանակի բազմաթիվ հարվածների հետքեր։
Տեղի բնակիչները պատմել են, որ դեպքից առաջ տղամարդը սուպերմարկետում վիճաբանել է մի քանի անձանց հետ, ինչից հետո վեճը շարունակվել է փողոցում։
Հայտնի է դարձել նաև, որ սպանվածը Վրաստան էր ժամանել օգոստոսի 26-ին։
Վրաստանի ներքին գործերի նախարարությունը դեպքի առթիվ քրեական գործ է հարուցել Քրեական օրենսգրքի 108-րդ հոդվածով («Դիտավորյալ սպանություն»): Այս պահին իրավապահները դեռևս չեն հայտնել ենթադրյալ հանցագործի ինքնության կամ որևէ մեկին ձերբակալելու մասին։
