Shamshyan.com-ի փոխանցմամբ՝ այսօր՝ օգոստոսի 28-ին, ողբերգական վրաերթ է տեղի ունեցել Արմավիրի մարզում։

Ժամը 20։30-ի սահմաններում Երևան-Արմավիր ավտոճանապարհի Արշալույս բնակավայրի հատվածում Արմավիրի մարզի 43-ամյա բնակիչ Հմայակ Կ․-ն իր «Mercedes» մակնիշի ավտոմեքենայով վրաերթի է ենթարկել հետիոտնի։

Վարորդը փախուստի չի դիմել դեպքի վայրից և իսկույն ահազանգել է շտապօգնություն։ Սակայն օպերատիվորեն տեղ հասած բժիշկների հերթապահ խումբն արձանագրել է հետիոտնի մահը։