Իրանական նավթատարը Պարսից ծոցում գտնվող Խարգ կղզու մոտ խոցվել է ԱՄՆ ուժերի արձակած չորս հրթիռով։
Այս մասին հայտնել է իրանական Tasnim գործակալությունը։
Նավթատարը գտնվել է Խարգ կղզու մոտակայքում գտնվող խարսխակայանում։ Տեղական աղբյուրների տվյալներով՝ հարվածի հետևանքով տուժածներ չկան, իսկ անձնակազմի անդամները տարհանվում են նավից։
Համապատասխան մարմինները պարզում են նավթատարին պատճառված վնասի չափն ու միջադեպի հանգամանքները։
