Շիրակի մարզում քննարկվել են սպանդանոցային կետերի կառուցման, օրենսդրական կարգավորումների բարելավման խնդիրները
ՀՀ էկոնոմիկայի նախարարի տեղակալ Տաթևիկ Սարգսյանը մայիսի 16-ին Շիրակի մարզում մասնակցել է սպանդանոցային գործունեությանը նվիրված հանդիպում-քննարկմանը։ Հանդիպմանը ներկա են եղել Շիրակի մարզպետի տեղակալներ Աննա Մարտիկյանն ու Ալբերտ Այվազյանը, սպանդանոցային գործունեություն իրականացնող տնտեսվարողներ։
 
Քննարկվել են հանրապետությունում սպանդանոցային կետերի կառուցման, կարողությունների զարգացման, շահագործման, օրենսդրական կարգավորումների բարելավման խնդիրներին առնչվող հարցեր:
 
Հանդիպման ընթացքում Տաթևիկ Սարգսյանն ու ոլորտի այլ պատասխանատուներ պատասխանել են ներկաներին հետաքրքրող հարցերին, որոնք, մասնավորապես, վերաբերել են սպանդանոցային կետերի պահանջարկին, չափորոշիչներին, նոր սարքավորումների ձեռքբերման ընթացակարգերին։