Ադրբեջանի նախագահ Իլհամ Ալիևն այսօր ԱՊՀ պետությունների ղեկավարների խորհրդի տեսակոնֆերանսի ձևաչափով հանդիպման ժամանակ հայտարարել է, թե  շուրջ 30 տարի Հայաստանը, Իրանի հետ համաձայնության գալով, օգտագործել է Ադրբեջանի նախկին օկուպացված տարածքները՝ Եվրոպա թմրանյութերի ապօրինի շրջանառության համար:  

«Անցած տարվա ընթացքում, այն բանից հետո, երբ Ադրբեջանը վերահսկողություն հաստատեց Իրանի հետ պետական սահմանի 130-կիլոմետրանոց հատվածի վրա, որը մոտ 30 տարի գտնվում էր Հայաստանի վերահսկողության ներքո, և դրանով փակեց  թմրամիջոցների ապօրինի շրջանառության ճանապարհը՝ Իրանից Ադրբեջանի Ջաբրայիլ շրջանով դեպի Հայաստան և Եվրոպա, ադրբեջանա-իրանական սահմանի այլ հատվածներում մեր կողմից հայտնաբերված հերոինի ծավալը կրկնապատկվել է նախորդ տարիների նույն ժամանակահատվածի համեմատ»,- ասել է նա։

Նրա խոսքով՝ օկուպացիայի տարիներին նա բազմիցս հայտարարել է, որ գրավյալ տարածքները օգտագործվում են թմրանյութերի ապօրինի շրջանառության և միջազգային ահաբեկիչների ուսուցման համար, և այսօր դա ապացուցված փաստ է։