ԱԳ նախարարի տեղակալն ընդունել է Իսլանդիայի Հանրապետության դեսպանին

24.03.2021

Քաղաքականություն

Մարտի 24-ին ԱԳ նախարարի տեղակալ Ավետ Ադոնցն ընդունեց Հայաստանի Հանրապետությունում Իսլանդիայի Հանրապետության նորանշանակ դեսպան Աուրնի Տոր Սիգուրդսոնին (նստավայրը՝ Մոսկվա)՝ հավատարմագրերի պատճենը հանձնելու կապակցությամբ:
Շնորհավորելով Աուրնի Տոր Սիգուրդսոնին պատասխանատու առաքելությունը ստանձնելու կապակցությամբ՝ ԱԳ նախարարի տեղակալը հույս հայտնեց, որ նորանշանակ դեսպանն իր գործունեությամբ կնպաստի հայ-իսլանդական երկկողմ փոխգործակցությանը` այդ համատեքստում մասնավորապես ընդգծելով քաղաքական երկխոսությունների մեկնարկի կարևորությունը:
Կողմերն անդրադարձ կատարեցին ԼՂ հակամարտությանը՝ կարևորելով ԵԱՀԿ ՄԽ համանախագահության ձևաչափը։ Երկուստեք կարևորվեց ռազմագերիների խնդրի շուտափույթ լուծումը և հումանիտար իրավիճակի կարգավորումը։
Զրուցակիցները վերահաստատեցին երկկողմ և բազմակողմ ձևաչափերում փոխշահավետ համագործակցության զարգացման և առկա ներուժի լիարժեք օգտագործման ուղղությամբ քայլեր ձեռնարկելու փոխադարձ պատրաստակամությունը: Մտքեր փոխանակվեցին էներգետիկայի ոլորտում երկկողմ համագործակցության շուրջ:

Կարևոր է

01.09.2026, 19:29

Հասարակություն

«Հայերեն ես գիտեմ», «բժիշկ, տիեզերագնաց…». Փոքրիկների առաջին դպրոցական օրը՝ Երևանի թիվ 135 դպրոցում

01.09.2026, 15:35

Քաղաքականություն

Հավասարակշռված և հավասարակշռման արտաքին քաղաքականության նպատակը մեր անկախությունն ու ինքնիշխանությունը պահպանելն ու ուժեղացնելն է. Նիկոլ Փաշինյան

01.09.2026, 13:21

Քաղաքականություն

ՀՀ և ՌԴ հարաբերություններն առողջացման, վերաքննարկման կարիք ունեն․ Արարատ Միրզոյանի հարցազրույցը

01.09.2026, 12:25

Իրավունք