Եգիպտոսի կառավարությունը շահագրգռված է զարգացնելու Հայաստանի հետ հարաբերությունները. դեսպանը՝ Նիկոլ Փաշինյանին

28.06.2022

Քաղաքականություն

ՀՀ վարչապետ Նիկոլ Փաշինյանն ընդունել է Հայաստանում Եգիպտոսի Արաբական Հանրապետության դեսպան Բահաա Էլ Դին Բահգատ Դիսուկիին:

Վարչապետը գոհունակություն է հայտնել հայ-եգիտպտական քաղաքական երկխոսության ներկա մակարդակից և կարևորել տնտեսության ոլորտում համագործակցությունը զարգացնելուն ուղղված հետևողական քայլերի իրականացումը:

Այս առումով, Նիկոլ Փաշինյանն ընդգծել է երկու երկրների կառավարությունների կողմից կոնկրետ ծրագրերի ու գաղափարների քննարկումն ու իրականացումը, երկկողմ հարաբերությունների օրակարգի ընդլայնումը:

Գործադիրի ղեկավարը բարձր է գնահատել դեսպանի դերը Հայաստանի ու Եգիպտոսի փոխգործակցությանը նպաստելու ուղղությամբ և վստահություն հայտնել, որ նրա ջանքերը նոր արդյունքներ կտան:

Իր հերթին, Բահաա Էլ Դին Բահգատ Դիսուկին նշել է Եգիպտոսի կառավարության շահագրգռվածությունը՝ զարգացնելու Հայաստանի հետ տարբեր ուղղություններով հարաբերությունները:

Հանդիպմանը զրուցակիցները կարևորել են երկկողմ բարձր մակարդակի փոխայցելությունների կազմակերպումը, որոնց ընթացքում հնարավորություն կլինի առավել առարկայական քննարկել փոխշահավետ նախագծերն ու դրանց իրականացման հեռանկարները:

Մտքեր են փոխանակվել ավիահաղորդակցության, զբոսաշրջության և տնտեսության այլ ճյուղերում համագործակցության զարգացման շուրջ:

Կարևոր է

21.10.2026, 18:52

Քաղաքականություն

Կույր պետք ա լինել՝ չտենաս ու չգնահատես փոփոխությունը․ արտաշատցիներ

21.10.2026, 18:17

Քաղաքականություն

COP17. Հայաստանը՝ օտարերկրացիների ուշադրության կենտրոնում

21.10.2026, 17:27

Քաղաքականություն

Երրորդ երկրները կա՛մ հրաժարվել են, կա՛մ իրենց ասել են՝ հեռո՛ւ խաղացեք. Արարատ Միրզոյանի ճեպազրույցը

21.10.2026, 16:25