Հունգարիայի վարչապետ Վիկտոր Օրբանը հուլիսի 8-ին ժամանել է Պեկին։ «Խաղաղության առաքելություն 3.0»,- գրել է Օրբանը X սոցցանցում՝ հայտարարելով իր այցի մեկնարկի մասին։

Հունգարիայի վարչապետը հանդիպել է Չինաստանի նախագահ Սի Ցզինպինի հետ։ Հանդիպումը կայացել է Պեկինի Դյաոյույթայ կառավարական նստավայրում, հայտնում է Reuters-ը։ Հանդիպման մանրամասները չեն հաղորդվում։ Հուլիսի 8-ին Չինաստանի ԱԳՆ հայտարարության մեջ ասվում է, որ Սի Ցզինպինը և Օրբանը «հանդիպում կանցկացնեն՝ խորությամբ քննարկելու փոխադարձ հետաքրքրություն ներկայացնող հարցերը», գրում է «Ինտերֆաքս»-ը։

Բանակցություններից հետո Օրբանը սոցիալական ցանցերում հրապարակել է Սի Ցզինպինի հետ համատեղ լուսանկար։ «Չինաստանը առանցքային տերություն է Ռուսաստանի և Ուկրաինայի միջև պատերազմում խաղաղություն հաստատելու համար պայմաններ ստեղծելու գործում։ Ահա թե ինչու եմ ես եկել Պեկինում հանդիպելու նախագահ Սի Ցզինպինին Բուդապեշտ կատարած նրա պաշտոնական այցից ընդամենը երկու ամիս անց»,- հայտարարել է Օրբանը։