Վրաց-ամերիկյան «Արժանի գործընկեր-2024» զորավարժությունները անորոշ ժամկետով հետաձգելը, իսկ հետո ԵՄ-ի որոշումը՝ սառեցնել Վրաստանի պաշտպանության նախարարությանը 30 միլիոն եվրոյի հատկացումը, գործընկերների նկատմամբ հանրապետության իշխանությունների «անխոհեմ և թշնամական քաղաքականության» հետևանքն է։ Այսպիսի կարծիք է հայտնել Վրաստանի նախագահ Սալոմե Զուրաբիշվիլին։

«ԱՄՆ զորավարժությունների չեղարկմանը հաջորդեց 30 միլիոն եվրոյի սառեցումը պաշտպանական ուժերի համար... Դա պատասխանն է իշխող կուսակցության («Վրացական երազանք-Ժողովրդավարական Վրաստան») անխոհեմ ու թշնամական քաղաքականությանը նրանց նկատմամբ»,- գրել է Զուրաբիշվիլին Ֆեյսբուքում։