Իսրայելը համաձայնել է դուրս բերել զորքերը Գազայի հատվածից՝ պաղեստինյան ՀԱՄԱՍ շարժման հետ գործարքի շրջանակներում, հայտարարել է ԱՄՆ պետքարտուղար Էնթոնի Բլինքենը։
Նա ելույթ է ունեցել Կատարում, որտեղ ընթանում է համաձայնագրի կնքման բանակցությունների հերթական փուլը։ Միացյալ Նահանգները, Եգիպտոսը և Կատարը հանդես են գալիս որպես միջնորդներ, Իսրայելը և ՀԱՄԱՍ-ը ուղիղ բանակցություններ չեն վարում:
«Միացյալ Նահանգները չի ընդունում Իսրայելի կողմից Գազայի հատվածի որևէ
երկարաժամկետ օկուպացիա։ Ավելի կոնկրետ՝ համաձայնագիրը շատ հստակ սահմանում է
Գազայի հատվածից զորքերի դուրսբերման ժամանակացույցը և վայրերը, և Իսրայելը
համաձայնել է դրան»,- ասել է Բլինքենը, որի խոսքերը մեջբերում է CNBC-ն։
Պետքարտուղարը հավելել է, որ գործարքի կնքման
վերջին ջանքերը «հավանաբար լավագույն և հնարավոր է՝ վերջին հնարավորությունն են»։ ԱՄՆ
պետքարտուղարը նշել է, որ ՀԱՄԱՍ-ը պարտավոր է ընդունել այս առաջարկը։ Սակայն Բլինքենը գործարքի մանրամասները չի
հայտնել։
