Ադրբեջանի նախագահ Իլհամ Ալիևի նախկին
թիկնապահ 50-ամյա Մահիր Մամեդովին մահացած են գտել Թուրքիայի արևմտյան Այդըն
քաղաքի Քուշադասի հանգստյան գոտում գտնվող թուրքական հյուրանոցում։ Այս մասին
գրում է Türkiye-ը։
Նրա մարմինը հայտնաբերվել է Այդըն
նահանգի Քուշադասի քաղաքի հինգաստղանի հյուրանոցի համարում, որտեղ նա հանգստանալու
էր գնացել կնոջ՝ Քեմալ Մամեդովայի և որդու հետ։
Նրա կինն ու որդին դուրս են եկել
զբոսնելու, իսկ վերադառնալուց հետո գտել են Մամեդովին անշարժ ընկած հատակին։
Հյուրանոց են ուղարկվել շտապօգնության բրիգադ և ոստիկանություն։ Ժամանած բժիշկները
արձանագրել են Մամեդովի մահը։
Մահվան ստույգ պատճառը կպարզվի դիահերձումից հետո։
.
