Ադրբեջանի արտահերթ խորհրդարանական
ընտրություններին, որն անցկացվել
է սեպտեմբերի 1-ին, ընտրողների
մասնակցությունը կազմել է ընդամենը 37,27 տոկոս՝ 2 միլիոն 196 հազար 771 մարդ: Այս մասին հայտնել է այդ երկրի Կենտրոնական ընտրական հանձնաժողովը։
Ադրբեջանի իշխող «Ենի Ադրբեջան» կուսակցությունը՝ Իլհամ Ալիևի
գլխավորությամբ, ընտրատեղամասերի 91%-ի տվյալների մշակման արդյունքներով, ստացել է երկրի խորհրդարանում 68 տեղ՝125-ից։ Ըստ այդմ՝ այդ կուսակցությունը կորցրել է 1 մանդատ (այժմ
ունի 69 մանդատ), բայց այնուամենայնիվ նոր գումարման խորհրդարանում ստանում է
մեծամասնություն:
