ԱՄՆ Պետդեպարտամենտի պաշտոնական ներկայացուցիչ Մեթյու Միլլերը ճեպազրույցում անդրադարձել է Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի հետ ԱՄՆ պետքարտուղար Բլինքենի հեռախոսազրույցներին: 

Հարցին՝ կարելի՞ է արդյոք հուսալ, որ նա ևս մեկ հանդիպում կկազմակերպի Նյու Յորքում, Միլլերը պատասխանել է, որ ինքը չունի այդ առնչությամբ որևէ հայտարարություն:

«Ակնհայտ է, որ մենք մշտապես հնարավորություններ ենք փնտրում Հայաստանի և Ադրբեջանի արտգործնախարարների հանդիպման համար։ Մենք շարունակում ենք աջակցել երկու երկրների ջանքերին՝ հասնելու կայուն և արժանապատիվ խաղաղության համաձայնագրի։ Նրանք զգալի առաջընթացի են հասել խաղաղության համաձայնագրի մշակման հարցում, և մենք պատրաստ ենք աջակցել նրանց բոլոր հնարավոր միջոցներով, ներառյալ հանդիպում հրավիրելը, եթե դա օգտակար լինի»,- հավելել է ԱՄՆ Պետդեպի պաշտոնական ներկայացուցիչը: