ՆԱՏՕ-ի լոգիստիկ հարցերով հրամանատարության ղեկավար, գեներալ-լեյտենանտ Ալեքսանդր Զոլֆրանկը հայտնել է, որ Դաշինքը մշակում է առաջնագծից վիրավորների լայնածավալ տարհանման պլան՝ Ռուսաստանի հետ հնարավոր պատերազմի դեպքում, գրում է Daily Mail-ը։
Գերմանացի գեներալը նախազգուշացրել է, որ ի տարբերություն Աֆղանստանում և
Իրաքում դաշնակիցների փորձի, ՆԱՏՕ-ի՝ Ռուսաստանի հետ տոտալ պատերազմը,
ըստ ամենայնի, մեծ կորուստներ կբերի հսկայական մարտադաշտում:
Ավելին, հաշվի առնելով Ռուսաստանի հզոր ռազմաօդային ուժերը և նրա հրթիռային
զինանոցը՝ ինքնաթիռների օգնությամբ
բժշկական տարհանումը կարող է չափազանց ռիսկային լինել, ինչը կարող է ՆԱՏՕ-ի
զորքերին ստիպել օգտվել հոսպիտալային գնացքներից՝ վիրավորներին զանգվածաբար դուրս
բերելու համար:
Զոլֆրանկի նախազգուշացումը հնչել է
այն ժամանակ, երբ գերմանացի զինվորականները հայտարարել են, որ Ռուսաստանի
հարձակումը ՆԱՏՕ-ի երկրների վրա սպասվում է արդեն 2029 թվականին:
