Մենք ավելի մոտ ենք խաղաղությանը, քան երբևէ, բայց խոչընդոտները մնում են, որոնք խանգարում են մեզ առաջ շարժվել։ Այս մասին La Repubblica թերթին տված հարցազրույցում ասել է Ադրբեջանի նախագահի օգնական Հիքմեթ Հաջիևը՝ հավելելով, որ Երեւանի հետ խաղաղ համաձայնագրի ձեռքբերման խոչընդոտ է համարում Հայաստանի Սահմանադրությունը, որը ենթադրում է տարածքային պահանջներ Ադրբեջանի նկատմամբ։

Հաջիևը նաև անդրադարձել է ՀՀ սպառազինությանը՝ մտահոգություն հայտնելով Երևանի կողմից Ֆրանսիայից զենքի գնման առնչությամբ․ «Հայաստանի համար լավագույն լուծումը կլինի չեզոքությունը, այլ ոչ թե Ադրբեջանի դեմ ռազմական դաշինքների ստեղծումը»,- նշել է Հաջիևը։