ՀԱՄԱՍ-ի շտաբի ղեկավար  Շարիֆ Աբու ալ-Ամինը սպանվել է Լիբանանի հարավում թիրախին իսրայելական հարվածի հետևանքով։ Լուրը հաստատել է պաղեստինյան ՀԱՄԱՍ շարժումը:

Հաստատվում է, որ հարվածն իրականացվել է վաղ առավոտյան Աբու ալ-Ամինի տան վրա, որը գտնվում է պաղեստինցի փախստականների Էլ-Բաս ճամբարում՝ Տիր քաղաքի շրջանում։ Նրա հետ միասին տանը եղել են կինը, որդին և դուստրը։ Նրանք բոլորը նույնպես զոհվել են։

Շարիֆ Աբու ալ-Ամինը ՀԱՄԱՍ-ի առաջնորդներից մեկն էր արտասահմանում (Գազայի հատվածից դուրս), նշում են իսրայելական լրատվամիջոցները։