Մոսկվան պատրաստ է
քննարկել Վրաստանի իշխանությունների ներկայացուցիչների հետ շփումների ընդլայնման
հնարավոր առաջարկները։ Այս մասին Մոսկվայում մամուլի ասուլիսում հայտարարել է ՌԴ
ԱԳ նախարար Սերգեյ Լավրովը։
Նա հիշեցրել է, որ
Վրաստանի և Ռուսաստանի միջև դիվանագիտական հարաբերություններ չկան, քանի որ դրանք դադարեցրել է Վրաստանի նախկին ղեկավարությունը։ Սակայն երկու երկրների
տարածքում գործում են ներկայացուցչություններ Շվեյցարիայի դեսպանատանը կից։ Որպես
այդպիսին Թբիլիսիում աշխատում են ռուս դիվանագետներ:
«Նրանք նպաստում են կապերի զարգացմանը,
այդ թվում՝ առևտրատնտեսական, որոնք իսկապես վերելք են ապրում, զարգանում է
զբոսաշրջությունը»,- նշել է Լավրովը։
Նա հավելել է, որ ռուս դիվանագետները «իհարկե, քննարկում են ի հայտ եկած խնդիրները վրացական իշխանությունների ներկայացուցիչների հետ»։
«Եթե մեր վրացի հարևաններից լինեն կապերի վերաբերյալ հավելյալ առաջարկներ, մենք, իհարկե, դրանք կդիտարկենք: Մենք երբեք չենք հեռացել շփումներից»,- ասել է Լավրովը։
