Շվեդիան դադարեցնում է
Վրաստանի հետ համագործակցությունը պետական մարմինների մակարդակով, հայտնում է Sweden Herald պարբերականը։
Շվեդիայի զարգացման և արտաքին առևտրի
համագործակցության հարցերով նախարար Բենջամին Դուսի գրավոր մեկնաբանության մեջ հստակեցվում
է, որ Վրաստանում իրադարձությունների զարգացումը «վաղուց տագնապ են հարուցում», և
որ հոկտեմբերի 26-ի խորհրդարանական ընտրություններում միջազգային դիտորդների
կողմից արձանագրված խախտումները հաստատում են դա։
Նշվում է, որ «ռուսամետ
իշխող «Վրացական երազանք» կուսակցությունը հաղթել է վիճելի խորհրդարանական
ընտրություններում, որոնց լեգիտիմությունը կասկածի տակ են դնում ընդդիմությունը և
միջազգային դիտորդները։
Կանադան, իր հերթին, կվերանայի
հարաբերությունները Վրաստանի հետ՝ երկրում խորհրդարանական ընտրությունների անցկացման
և արդյունքների լույսի ներքո։ Այս մասին ասվում է Կանադայի ԱԳՆ
հայտարարության մեջ։
«G7-ի և Եվրոպայի մեր
գործընկերների հետ համակարգմամբ և այս ընտրությունների անցկացման ու արդյունքների
լույսի ներքո Կանադան կվերանայի իր հարաբերությունները Վրաստանի ղեկավարության
հետ»,- ասվում է հայտարարության մեջ:
Օտտավան պատրաստ է համագործակցել վրացական
իշխանությունների հետ, եթե նրանք հարգեն ժողովրդավարությունը, մարդու
իրավունքները, օրենքի գերակայությունը և «կլուծեն ժողովրդավարությունից նահանջի
խնդիրը», հաղորդում է «Նովոստի-Գրուզիա» գործակալությունը։
Կանադան անհանգստացած է
ընտրողների ահաբեկման, կաշառատվության և այլ խախտումների «լայնորեն տարածված»
դեպքերով, որոնց մասին հայտնել են միջազգային դիտորդները։
Օտտավան խոսում է այս փաստերի հետաքննության
և «միջոցների ձեռնարկման» անհրաժեշտության մասին:
