«Հայաստանը պետք է հրաժարվի սպառազինության
քաղաքականությունից, դրան պետք է վերջ տալ: Այս մասին ես բազմիցս եմ խոսել։ Եվ
նրանք գիտեն, որ պետք է անսան իմ խոսքերին։ Նրանք պետք է հրաժարվեն դրանից, քանի
դեռ ուշ չէ: Նրանք երբեք չեն կարողանա մրցել մեզ հետ»։
Ինչպես հայտնում է Report-ը, այս մասին Հաղթանակի օրվա կապակցությամբ ժողովրդին ուղղված ուղերձում ասել է Ադրբեջանի նախագահ Իլհամ Ալիևը։
«Մենք
չենք ուզում պատերազմ, մենք հասել ենք մեր ուզածին, ապահովել ենք մեր տարածքային
ամբողջականությունը և պետական ինքնիշխանությունը: Տարածքային ամբողջականություն ամբողջ սահմանի երկայնքով, ներքին տեղահանվածներն ու
փախստականները վերադառնում են իրենց նախնիների հողերը: Այժմ մենք զբաղված ենք ստեղծագործական աշխատանքով: Մեզ համար սա գլխավոր խնդիրն է»,- հավելել է Ադրբեջանի
նախագահը։
