Շրջագայության Villa Vie Residences ընկերությունը ԱՄՆ
բնակիչներին առաջարկել է շուրջերկրյա երկարատև ճամփորդություն այն բանից հետո, երբ
Դոնալդ Թրամփն ընտրվել է ԱՄՆ նախագահ, հայտնում է Business Insider-ը։
Ընկերությունը ներկայացրել է «Skip Forward»
ծառայությունների իր նոր փաթեթը նոյեմբերի 7-ին՝ հաջորդ օրը այն բանից հետո, երբ
հայտնի դարձան նախագահական ընտրությունների նախնական արդյունքները։ Ընկերությունն
առաջարկել է ուղևորվել շուրջերկրյա ճամփորդության «Օդիսեյ» նավով՝ մեկից չորս
տարի ժամկետով: Շրջագայության ընթացքում նավը կայցելի 140 երկիր։
Չորս տարի տևողությամբ ճամփորդության տոմսերը մեկտեղանոց
նավախցիկում սկսվում են 256 հազար ԱՄՆ դոլարից, որը ներառում է «ամեն ինչ», և 320
հազար դոլարից՝ երկտեղանոց նավախցիկի համար:
