Ադրբեջանցի լրագրող Աֆղան
Սադիգովի ընտանիքը բողոքի ակցիա է անցկացրել Թբիլիսիում Ադրբեջանի դեսպանատան
դիմաց։ Հավաքվածները պաստառներ են բռնել՝ «Ազատություն ադրբեջանցի
քաղբանտարկյալներին», «Ազատություն Աֆղան Սադիգովին», «Իլհամ Ալիև՝ դիկտատոր»
գրություններով։
Ակցիային, որը համընկնում է Ադրբեջանում ՄԱԿ-ի Կլիմայի փոփոխության համաժողովի (COP29) բացման հետ, միացել է Թբիլիսիում գտնվող շվեդ էկոակտիվիստ Գրետա Թունբերգը:
Ակցիայի նպատակն է հանրության ուշադրությունը հրավիրել Ադրբեջանում ծանր պայմաններում գտնվող քաղբանտարկյալների վրա:
