Ընդհանրապես երբ մենք խոսում ենք հակակոռուպցիոն քաղաքականության մասին, գուցե բնազդաբար կամ գուցե իներցիայով մենք առաջին հերթին նկատի ենք ունենում պատժողական քաղաքականությունը, որ, այ, ով կոռուպցիայով զբաղվեց, պետք է իրեն բռնել և պատժել, ինչը ճիշտ է, բայց շատ կարևոր է, որ այդ բարեվարքությունը ոչ թե պոստ ֆակտում լինի, այլ դառնա սոցիալ հոգեբանություն, որովհետև միշտ այս խնդիրը կա, և կարծում եմ, որ հակակոռուպցիոն պայքարի մասին անընդհատ խոսելը և վերահաստատելը, և հավատարմությունն այդ թեմային շատ կարևոր է: Այդ մասին ԱԺ-Կառավարություն հարցուպատասխանի ժամանակ ասաց ՀՀ վարչապետ Նիկոլ Փաշինյանը՝ պատասխանելով ՔՊ խմբակցության պատգամավոր Արեն Մկրտչյանի՝ հակակոռուպցիոն պայքարի հետ կապված հարցին:
