Քաղաքացիակենտրոն լրատվություն
ՀՀ ՏԿԵ նախարար Դավիթ Խուդաթյանն այսօր այցելել և դիտարկել է Ջրվեժ բնակավայրից դեպի Գառնի ձգվող ճանապարհահատվածի շինարարական աշխատանքների ընթացքը։ Այս մասին տեղեկացնում են նախարարությունից։
14.7 կմ հիմնանորոգվող ճանապարհը սկսվում է Ջրվեժ բնակավայրից։ Շինաշխատանքների շրջանակում նորոգվում է Ջրվեժի տրանսպորտային հանգույցը։ Աշխատանքներ են տարվում տրանսպորտային հանգույցի կամրջի վրա։
Կոտայքի մարզպետ Ահարոն Սահակյանի, ՏԿԵՆ փոխնախարար Քրիստինե Ղալեչյանի, «Ճանապարհային դեպարտամենտ» հիմնադրամի գործադիր տնօրեն Արմեն Զոհրաբյանի, Ջրվեժի համայնքապետի հետ տեղում քննարկվել են ճանապարհահատվածում իրականացվող աշխատանքները, խնդրահարույց հատվածները, այցելել են նաև տրանսպորտային հանգույցի կամրջի վրա, որտեղ ևս աշխատանքներ են տարվում։
