«Ձեր քամահրական վերաբերմունքը
ընտրություններին մեզ ձայն տված բոլոր քաղաքացիներին շատ վիրավորական է, որովհետև
էս մարդիկ ձեզանից շատ ձայն են տվել մեզ: Իրականում իմ հարգանքը այս մյուս 70
հազար մարդկանց նկատմամբ այնքանով է արտահայտվում, որ ես այսօր այստեղ կանգնած եմ,
չնայած ձեզ հետ բանավիճելու որևէ կարիք չունեմ: Այս 70 հազար մարդկանց
մոլորեցնելով, սուտ ասելով, քաղաքական ֆինտիֆլյուշկեքով և շոուով ներկայացված այս
գնի թանկացման թեզը կգնաք ուրիշ տեղ կպատմեք»,- Factor TV-ի եթերում Երևանի նախկին
և ներկա քաղաքապետեր Հայկ Մարության-Տիգրան Ավինյան բանավեճի ժամանակ հայտարարեց
Երևանի քաղաքապետ Տիգրան Ավինյանը:
Նա, դիմելով երևանցիներին,
կրկնեց, որ Երևանում իրականացվում են տրանսպորտային ամբողջական բարեփոխումներ.
«Ամսական, տարեկան պրոդուկտները ամենից շատ ու հաճախ օգտվող անձանց համար էս
տոմսային համակարգով տրանսպորտի գինը 100 դրամից էլ է նվազում»:
Ավինյանը, անդրադառնալով
Մարությանի կազմակերպած ստորագրահավաքին ընդդեմ տրանսպորտի թանկացման, ասաց.
«Ա 4
ֆորմատի թղթեր եք դեմ տվել մարդկանց, որը իրավական հետևանք չի կարող ունենալ. դուք
դա գիտակցո՞ւմ էիք»:
