Ռուսաստանում առանց «շարժման», երբ «փամփուշտները սլանում են», դառնում է «ձանձրալի, և առաջանում է լճացում», հայտարարել է ՌԴ նախագահ Վլադիմիր Պուտինը։

«Գիտե՞ք, երբ մեզ մոտ ամեն ինչ հանգիստ է, չափված, կայուն, մեզ համար ձանձրալի է, լճացած։ Շարժում ես ուզում: Շարժումը սկսվելուն պես ամեն ինչ սլանում է՝ և վայրկյանները, և փամփուշտները, ցավոք սրտի, և փամփուշտները հիմա սլանում են»,- ասել է Պուտինը ուղիղ գծում։

Նրա խոսքով՝ այս պահին Ուկրաինայում առաջնա​​գծում իրադրությունը «արմատապես փոխվում է», և ռուսական բանակը «ազատաագրում է քառակուսի կիլոմետրերով տարածքներ»։ Նա տեղի ունեցողն անվանել է «դասական ռազմական գործողություններ»։