Կալիֆոռնիա
նահանգում խոշոր անտառային հրդեհների պատճառը, ամենայն հավանականությամբ, ոչ թե
կլիմայական փոփոխություններն են, այլ նահանգի իշխանությունների
անպատասխանատվությունը: Այս մասին հայտարարել է ամերիկացի գործարար Իլոն Մասկը իր
X սոցիալական ցանցում։
«Եթե
կլիմայական փոփոխության վերաբերյալ բացատրությունը ճիշտ լիներ, ապա Տեխասում, որի
անտառային տարածքը երկու անգամ գերազանցում է Կալիֆոռնիայի տարածքին, կլինեին մոտ
երկու անգամ ավելի շատ անտառային հրդեհներ, որոնք տներ կոչնչացնեին »,- գրել է նա:
Նրա խոսքով՝ խնդիրը
շենքերի միջև հակահրդեհային խզվածքների անբավարարությունն է. սա որոշակի
հեռավորություն է, որը թույլ չի տալիս, որ կրակն ավելի տարածվի: Բացի դրանից, չեն
մաքրվել թփուտները, և չի ապահովվել անհրաժեշտ ջրամատակարարումը։
Մասկը նաև
հրդեհների տարածման պատճառ է համարել «ահավոր անտնտեսվարությունը նահանգային,
շրջանային և քաղաքային մակարդակով»:
