ԵՄ-ի հետ Երևանի
առևտուրը մի քանի անգամ քիչ է, քան Եվրասիական տնտեսական միության (ԵԱՏՄ) հետ,
Հայաստանի ապրանքաշրջանառությունը Եվրամիության հետ նվազում է: Այս մասին
Վիետնամում լրագրողներին հայտնել է ՌԴ փոխվարչապետ Ալեքսեյ Օվերչուկը։
«Ստացվել է 11 ամիսների թարմ վիճակագրությունը. Ռուսաստանի և Հայաստանի միջև ապրանքաշրջանառությունը կազմում է 11,6 միլիարդ դոլար, ԵԱՏՄ-ի հետ՝ մոտ 12 միլիարդ դոլար: Միևնույն ժամանակ, ԵՄ-ի հետ (Հայաստանի) առևտուրը մի քանի անգամ քիչ է և նվազում է։ Սա այն է, ինչ ասում է տնտեսությունն ու իրականությունը»,- նշել է նա:
«Եվրամիությանն անդամակցելու գործընթացի
մեկնարկի մասին» օրինագծի նախաձեռնողները, Օվերչուկի խոսքով, «հիանալի հասկանում են, որ ԵՄ-ին անդամակցելը շատ հիպոթետիկ
բան է, և, իհարկե, չեն ցանկանում կորցնել այն տնտեսական
օգուտները և առավելությունները, որ նրանք ունեն որպես ԵԱՏՄ անդամ պետություն»։
Երևանն ասում է, որ
չի նախատեսում դուրս գալ ԵԱՏՄ-ից, բայց կատարել է իրավական առումով նշանակալի
քայլ, և մենք դա համարում ենք Միությունից Հայաստանի դուրս գալու սկիզբ, կրկնել է
ՌԴ փոխվարչապետը։
