ԱՄՆ պետքարտուղար Մարկո Ռուբիոն կարգադրել է անհապաղ 90 օրով սառեցնել արտասահմանյան օգնության գրեթե բոլոր ծրագրերը։
Այս մասին գրում է Politico-ն։«Պետդեպարտամենտի պաշտոնյաներին ցնցած հրամանը, ըստ երևույթին, վերաբերում է Ուկրաինային ռազմական օգնության ֆինանսավորմանը»,- ասվում է հրատարակության մեջ։
Պետքարտուղարության ներկայիս պաշտոնյան և Բայդենի վարչակազմի երկու նախկին պաշտոնյաներ հրապարակմանը ասել են, որ կասեցումը, հավանաբար, ուղղված է առանցքային դաշնակիցների օգնության դադարեցմանը, ինչպիսիք են Ուկրաինան, Հորդանանը և Թայվանը:
Միաժամանակ փաստաթղթում նշվում է, որ Եգիպտոսի և Իսրայելի արտաքին ռազմական ֆինանսավորումը շարունակվելու է։
