ԱՄՆ-ում նախագահ
Թրամփի հրամանով արգելվել են մինչև 19 տարեկան
անձանց սեռափոխության վիրահատությունները։
«Այսօր ամբողջ երկրում բուժաշխատողները խեղում և ամլացնում են ավելի մեծ
թվով տպավորվող երեխաների՝ հետևելով այն պնդմանը, որ մեծահասակները կարող են փոխել երեխայի սեռը մի շարք անդառնալի բժշկական միջամտությունների օգնությամբ: Այս վտանգավոր միտումը բիծ կդառնա մեր երկրի պատմության վրա, և դրան պետք է վերջ տրվի»,- ասվում է Սպիտակ տան կողմից հրապարակված հրամանագրի տեքստում:
ԱՄՆ-ն այսուհետ «չի ֆինանսավորի, չի հովանավորի, չի խրախուսի կամ օգնի ու
աջակցի, երեխայի, այսպես կոչված, «անցումը» մի սեռից մյուսին և խստորեն կհետևի
բոլոր օրենքներին, որոնք արգելում կամ սահմանափակում են այս կործանարար և կյանքը
փոխող ընթացակարգերը»,- նշվում է փաստաթղթում:
Դրանում հստակեցվում է, որ «երեխա» կամ «երեխաներ» տերմինը նշանակում է «մինչև
19 տարեկան անձ կամ անձինք»։
Հրամանագրով արգելվում է բլոկատորների, սեռական հորմոնների և վիրաբուժական
վիրահատությունների օգտագործումը մարդու արտաքին տեսքը փոխելու համար՝ «դա
համապատասխանեցնելու այն ինքնությանը, որը տարբերվում է նրա սեռից»:
